മഞ്ജുവാര്യരെ ഒരു സംഘം തടഞ്ഞുവയ്ക്കുകയും ഭീഷണിപ്പെടുത്തുകയുമായിരുന്നു. ഇക്കാര്യം ശ്രദ്ധയില്പ്പെട്ട ചിലര് തിരുവനന്തപുരത്തെ മാധ്യമ പ്രവര്ത്തകരുടെ ശ്രദ്ധയില് സംഭവം എത്തിച്ചു. എന്നാല് ചെങ്കല്ചൂള കോളനിയില് പാഞ്ഞെത്തിയ മാധ്യമ പ്രവര്ത്തകരോട് ഒന്ന് നടന്നില്ലെന്നാണ് സിനിമാക്കാര് പറഞ്ഞതെന്ന് പ്രമുഖ ഓണ്ലൈന് മാധ്യമം വ്യക്തമാക്കുന്നു.
ചെങ്കല്ചൂളയിലെ ഒരു നടന്റെ ഫാന്സുകാരായിരുന്നു ഇതിന് പിന്നില്. കൊച്ചിയില് നടിയെ തട്ടിക്കൊണ്ട് പോയതും ആക്രമിച്ചതുമെല്ലാം വലിയ വിവാദമായിരുന്നു. ഇതില് സിനിമാ ലോകം ഒന്നടങ്കം പ്രതിഷേധവുമായെത്തി. സിനിമാ നടിമാരുടെ സുരക്ഷയെ പറ്റി വാചാലരായി.
എന്നാല് ചെങ്കല്ചൂളയില് മഞ്ജു വാര്യരെ പോലൊരു നടിയെ തടഞ്ഞു വച്ച് ഭീഷണിപ്പെടുത്തിയിട്ടും പൊലീസില് പരാതി പോലും ആരും നല്കിയില്ല. വിവാഹ മോചനത്തിന് ശേഷം സിനിമയില് തിരിച്ചെത്തിയ മഞ്ജു വാര്യര് ചെയ്ത വേഷങ്ങളെല്ലാം നിലയും വിലയുമുള്ള കഥാപാത്രങ്ങളായിരുന്നു. ചെങ്കല്ച്ചൂള കോളനിയിലെ സാധാരണ സ്ത്രീയായി മഞ്ജു അഭിനയിക്കുന്ന സിനിമയാണ് ഇപ്പോള് പുരോഗമിക്കുന്നത്.
ഫാന്റം പ്രവീണ് സംവിധാനം ചെയ്യുന്ന ചിത്രത്തിലാണ് മഞ്ജു കോളനി സ്ത്രീയായി അഭിനയിക്കുന്നത്. വിധവയും പതിനഞ്ച് വയസ്സുള്ള മകളുടെ അമ്മയുമാണ് സുജാത. രാവിലെയും വൈകിട്ടും പലതരം ജോലികള് ചെയ്താണ് ജീവിക്കുന്നത്. മകളെ വളര്ത്താന് പാടുപെടുന്ന അമ്മയുടെ കഥ. അനശ്വരയാണ് മകളായി അഭിനയിക്കുന്നത്.
ഇത്തരത്തിലൊരു സിനിമയുടെ ചിത്രീകരണത്തിനിടെയാണ് മഞ്ജുവിന് നേരെ ആക്രമണവും ഭീഷണിയും ഉണ്ടാകുന്നത്. രണ്ട് ദിവസമായി ഷൂട്ടിങ് സെറ്റില് ചിലര് അലങ്കോലപ്പെടുത്തുന്നത് സാധാരണയായിരുന്നു. ഇതിനെ സെറ്റിലുള്ളവര് തന്നെ ചോദ്യം ചെയ്യുകയും ചെയ്യുമായിരുന്നു. ഇതിനിടെയാണ് മഞ്ജുവിനെ ഇന്നലെ രാത്രി ചിലര് തടഞ്ഞു വച്ചത്. ഭീഷണിയും ഉയര്ത്തി. നിലപാടുകളില് മാറ്റം വരുത്തിയില്ലെങ്കില് സിനിമാ ഷൂട്ടിങ് തന്നെ അവസാനിപ്പിക്കുമെന്നും പറഞ്ഞു. മഞ്ജു ആകെ പകച്ചു പോയി. പിന്നീട് സെറ്റിലുള്ളവര് അനുരജ്ഞനത്തിന് എത്തുകയും മഞ്ജുവിനെ മോചിപ്പിക്കുകയുമായിരുന്നു. ഇക്കാര്യം പൊലീസിനെ അറിയിക്കേണ്ടെന്ന ധാരണയിലുമെത്തി
No comments:
Post a Comment